وہ خواب ہے، جو ہر سیلف میڈ ڈاکٹر کا باپ دیکھتا ہے، ایسا ہی خواب تھا ، حاجی محمد رفیق کا کہ اس کا ڈاکٹر بیٹا اپنے علاقے کے لوگوں تک اس علم کا فیضان بانٹ سکے جو اس نے حاصل کیا ہے، اسی خواب کی تکمیل کی پہلی سیڑھی یہ ڈسپنسری ہے ، جو انشا ء اللہ ایک سے دو ہو جایئں گی، اور خدا کرے کہ بہت جلد ایک مکمل ہسپتال کا روپ دھار لے، گزشتہ دو سال میں ڈسپنسری کے زیرِ احتمام دو سالانہ میڈیکل کیمپ منعقد ہو چکے ہیں جن میں مختلف شعبوں سے تعلق رکھنے والے ماہر ڈاکٹروں نے ہزاروں مریضوں کا مفت چیک اپ کیا اور دوائی بھی دی۔ ڈسپنسری ہفتے کے سات دن کھولی جاتی ہے جہاں ایک مستقل ڈسپنسر کے علاوہ ایک ایم بی بی ایس ڈاکٹر چار گھنٹے مریضوں کو دیکھتا ہے اور ان مریضوں کو تین دن کی مفت دوائی بھی دی جاتی ہے، جس کے لیے مریضوں سے پرچی فیس کے نام پر دس روپے لئے جاتے ہیں۔ اوسطا چالیس سے پچاس مریض روزانہ علاج کی غرض سے یہاں آتے ہیں اور یوں اپنی بساط بھر یہ ڈسپنسر ی شہر کے بیماروں کی دل جوئی میں اپنا حصہ ڈال رہی ہے۔ بہت جلد ہم ایسا ہی ایک سیٹ اپ حیات آباد کالونی میں بھی کھولنے کا ارادہ رکھتے ہیں تاکہ زیادہ سے زیادہ آنکھوں سے آنسو پونچھے جا سکیں۔

کیئر ویلفئر ایک رجسٹرڈ ڈسپنسری ہے، جس کے روز مرہ کے اخراجات ، دوایئاں، ڈسپنسر، ڈاکٹر کی تنخواہ ابھی تک خاندانی ذرائع سے ہی اکھٹے کیے جا رہے ہیں لیکن ہم بڑھوتری کی جس سمت میں جا رہے ہیں وہاں ہمیں ایسے احباب کی ضرورت ہے جو اس کام کی مستقل بنیادوں پر مدد کر سکیں، آپ سالانہ یا ماہانہ بنیادوں پر ہمارے ممبر بن سکتے ہیں، آپ مریضوں کے لیے دوائی کی خریدداری میں ھماری معاونت کر سکتے ہیں، آپ کے دیے گئے عطیات کی جانچ آپ کسی وقت بھی کر سکتے ہیں تا کہ آپ یہ جان سکیں کی آپ کی رقومات درست سمت میں اور ضرورت مند لوگوں تک پہنچ گیئں ہیں۔

ھمارے عزم اور خواب کا حصہ بننے کے لئے ہم سے رابطہ کیجئے